राजु श्रेष्ठको नयाँ कोसेली बजारमा(भिडियो)

चितवन / लोक तथा दोहोरी गायक राजु श्रेष्ठ र गायिका मुना थापा आवजमा रहेको नयाँ लोकदोहोरी गीतको भिडियो सार्वजनिक भएको छ । राजु श्रेष्ठ र मुना थापाले “आकाशको जुनलाई” बजारमा ल्याएका छन् । गीतमा होम बगालेको शब्द रहेको छ भने होम बगाले र डि.बि सुनारको लय रहेको छ ।

गीतको संगीत संयोजन सागर विरहीले गरेका हुन् । पारिवारिक कारणले प्रेम सम्बन्धमा आउने उतार चढावलाई गीतमा प्रस्तुत गर्न खोजीएको छ ।  प्रकाश भट्टले निर्देशन गरेको भिडियोको सम्पादन विष्णु शर्माले गरेका हुन् भने छायांकन राजेश घिमिरेको रहेको छ । गीतमा कृष्ण कुँवर, करुणा रिजाल, कुमार पौडेल, नेन्सी गुरुङ आदिको अभिनय छ । मालती डिजिटल प्रा.लि.ले बजार व्यवस्थापन गरेको गीतलाई म्युजिक नेपालले बजारमा ल्याएको हो ।