सुनको मूल्य आज पनि उकालो लाग्यो

काठमाडौं । केही दिनदेखि लगातार बढेको  सुनको मूल्य आज पनि उकालो लागेको छ  । सोमबार प्रति तोला ६७  हजार ८०० रुपैयाँमा कारोबार भएको छापावाला सुनको मूल्य आज बढेर ६८ हजार रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

त्यसैगरी सोमबार प्रति तोला ६७ हजार ५०० रुपैयाँमा कारोबार भएको तेजावी सुनको मूल्य आज ६७ हजार ७०० रुपैयाँ पुगेको छ  । 
महासंघले आज प्रति १० ग्राम छापवाला सुनको मूल्य ५८ हजार ३०० रुपैयाँ कायम गरेको छ भने प्रति १० ग्राम तेजावी सुनको मूल्य ५८ हजार ४५ रुपैयाँ कायम गरेको छ ।