काठमाडौं । भारतीय फिल्म आइफा अवार्ड नेपालमा नहुने भएको छ । चौतर्फी विरोधपछि आइफा अवार्ड गर्नबाट सरकार पछि हटेको छ ।
नेपाल पर्यटन बोर्डका प्रमुख कार्यकारी अधिकृत दीपकराज जोशीका अनुसार आइफा अवार्ड नेपालमा यो वर्ष नहुने भएको छ । जोशीले तत्काल सबै तयारी रोक्ने निष्कर्षमा पुगेको जानकारी दिए।
सरकारले असार ८ गते मन्त्रिपरिषद बैठकबाट भारतीय फिल्म अवार्ड आईफा नेपालमा आयोजना गर्ने निर्णय गरेको थियो । उक्त अवार्ड कार्यक्रमका लागि काठमाडौं महानगरपालिकाले ४४ करोड रुपैयाँ अनुदान दिने निर्णय गरेको थियो । तर आइफा अवार्डबारे चौतर्फी विरोध हुँदै आएको थियो ।
संसदको अन्तर्राष्ट्रिय सम्बन्ध समितिले मंगलबार उक्त कार्यक्रम आयोजना नगर्न सरकारका नाममा निर्देशन दिएको थियो।अवार्ड अगष्ट अन्तिम साता आयोजना हुने भनिएको थियो।
प्रतिक्रिया दिनुहोस
सफल खबर संवाददाता
बुधबार, १८ असार २०७६, १६ : २०
लेखकबाट थप