काठमाडौं । माध्यमिक शिक्षा परीक्षा (एसईई)का परीक्षार्थी कमल चेपाङ त्रिशुली नदीमा बेपत्ता भएका छन् ।
गण्डकी गाउँपालिका–६ बन्टारका १७ वर्षीय कमल सोमबार एसईईको दोस्रो दिनको नेपाली विषयको परीक्षा सकेर त्रिशुली नदिमा नुहाउन जाँदा डुबेर बेपत्ता भएका हुन् ।
गण्डकी गाउँपालिका–६ का वडाध्यक्ष जीवन गुरुङका अनुसार बेनीघाट रोराङ गाउँपालिका–७ चरौंदी नजिकै नुहाउन गएका कमल पौडी खेल्ने क्रममा बेपत्ता भएका हुन् । ज्ञानमार्ग माध्यमिक विद्यालय घ्याल्चोकमा डेरा लिएर बसेका कमल स्कुलका जेहेन्दार विद्यार्थी भएको उनले बताए ।
प्रहरीका अनुसार नेपाल प्रहरी, सशस्त्र प्रहरी र स्थानीयहरु मिलेर बेपत्ता कमलको शव खोजी भइरहेको छ ।
प्रतिक्रिया दिनुहोस
सफल खबर संवाददाता
मंगलबार, १२ चैत्र २०७५, १६ : २६
लेखकबाट थप