बसले मोटरसाइकललाई ठक्कर दिंदा चितवनमा एक जनाको मृत्यु

चितवन । नारायणगढ–मुग्लिन सडकखण्ड अन्र्तगत भरतपुर महानगरपालिका २, आँपटारीमा बसको ठक्करबाट एक जनाको मृत्यु भएको छ भने एक जना घाइते भएका छन् ।

गएराती सवा १२ बजे काठमाडौंबाट जनकपुर आउँदै गरेको ना ७ ख १६४२ नम्बरको बसले विपरित दिशाबाट आईरहेको ना ६१ प २२३७ नम्बरको मोटरसाइकललाई ठक्कर दिदाँ भरतपुर महानगरपालिका १० ढुङगना चोकमा बस्ने २१ बर्षीय दिप्सन आचार्यको मृत्यु भएको हो ।

ठक्करबाट गम्भिर घाईते भएका आचार्यको उपचारको क्रममा कलेज अफ मेडिकल साईन्सेस भरतपुरमा मृत्यु भएको जिल्ला प्रहरी कार्यालय चितवनका प्रमुख सुशिल सिंह राठौरले जानकारी दिनुभयो । 

मोटरसाइकलमै सवार भरतपुर महानगरपालिका २३ जगतपुर बस्ने बर्ष ३३ का भिम लामाको पुरानो मेडिकल कलेजमा उपचार भईरहेको छ । लामाको अवस्था गम्भिर रहेको जिल्ला प्रहरी कार्यालय, चितवनले जनाएको छ । बस र चालकलाई प्रहरीले नियन्त्रणमा लिएको छ ।