अनेरास्ववियुको महाधिवेशनको नयाँ मिति तय गर्न स्थायी कमिटी बैठक बोलाइयो

काठमाडौँ । नेकपा एमालेनिकट अनेरास्ववियुको २४ औँ महाधिवेशन कम्तिमा एक महिना धकेलिने भएको छ । चैत मसान्तभित्र महाधिवेशन आयोजना गर्ने यसअघिको बैठकको निर्णय अबको स्थायी कमिटी बैठकले परिवर्तन गर्ने सम्भावना छ ।

फागुन १५ गते हुने तय भएको स्वतन्त्र विद्यार्थी युनियनको निर्वाचन चैत ६ गते हुने भएपछि चैतभित्र महाधिवेशन आयोजना गर्न सम्भव नहुने अनेरास्ववियुका अध्यक्ष समिक बडालले बताए ।

स्थायी कमिटी बैठक आगामी १५ र १६ गते आयोजना गरिँदै छ । अनेरास्ववियुको महाधिवेशनबाट अध्यक्षका लागि हालका उपाध्यक्षहरू गोविन्द गिरी, धर्म गिरी, नारायण घर्ती, मर्यादा विष्ट र महासचिव नरेश रोकाय दाबेदारका रूपमा देखिएका छन् ।