आणविक युद्धको जोखिम अहिले जस्तो चरम कहिल्यै थिएन : कीम

काठमाडौँ । उत्तर कोरियाका सर्वोच्च नेता किम जोङ–उनले आणविक युद्धको जोखिम अहिले जस्तो चरम कहिल्यै नभएको बताएका छन् । किम जोङ उनले यसका लागि उत्तर कोरियाप्रति अमेरिकाको 'आक्रामक र शत्रुतापूर्ण नीति' लाई दोष दिएका छन् र अमेरिकी नीतिहरू कहिल्यै परिवर्तन हुन नसक्ने बताएका छन् ।

उत्तर कोरियाको सरकारी मिडिया केसीएनएका अनुसार किमले एक सैन्य प्रदर्शनीमा कोरियाली प्रायद्वीपमा युद्धमा संलग्न पक्षहरूले यसअघि कहिल्यै यस्तो खतरनाक टकरावको सामना नगरेको बताएका छन् । उनले यो अहिलेसम्मकै सबैभन्दा विनाशकारी थर्मोन्यूक्लियर युद्धमा परिणत हुन सक्ने बताएको रिपोर्टमा उल्लेख छ ।

उत्तर कोरिया र रुस घनिष्ठ भइरहेका बेला किम जोङ उनको टिप्पणी आएको हो । यो वर्ष रुसले उत्तर कोरियालाई हतियार र सैनिकको बदलामा १० लाख ब्यारेलभन्दा बढी तेल आपूर्ति गरेको छ ।

युक्रेनी राष्ट्रपति भोलोडिमिर जेलेन्स्कीले पनि आफ्नो वक्तव्यमा रुसले युक्रेनी सेना र ब्यालिस्टिक मिसाइल प्रयोग गरेर युद्धलाई बिगार्ने प्रयास गरिरहेको बताएका छन् ।