बीवाईडीको १०० विद्युतीय गाडी डेलिभरी

काठमाडौँ । साइमेक्स इन्कले नेपालभर बीवाईडीको १०० विद्युतीय गाडी डेलिभरी गर्दै अर्को  उपलब्धि हासिल गरेको छ । बीवाईडीको ३०औं वार्षिकोत्सव र १ करोडौँ एनईभी विश्वव्यापी उत्पादनको अवसरमा उक्त माइलस्टोन पूरा गरेको साइमेक्सले जनाएको छ ।

नेपालले हरित भविष्य अँगाल्दै गर्दा साईमेक्स इन्कले बीवाईडीका बीवाईडी एट्टो ३, बीवाईडी डल्फिन  र बीवाईडी सील जस्ता आधुनिक मोडलहरू प्रवर्द्धन गर्न महत्त्वपूर्ण भूमिका खेलेको जनाएको छ। यी गाडीहरूमा  अत्याधुनिक ब्लेड ब्याट्री प्रविधि, सुरक्षाको उच्च स्तर र उत्कृष्ट अन्य विशेषताहरू रहेका छन् ।

‘बीवाईडीको ३०औं वार्षिकोत्सवमा नेपालभर १०० गाडी डेलिभरीको उपलब्धि हाम्रो लागि गर्वको क्षण  हो। यो हाम्रो टोलीको मेहनत र ग्राहकहरूको विश्वासको प्रमाण हो’, साईमेक्स इन्कका नेस्नल सेल्स प्रमुख अशुतोष गौतमले भने ।