आज साँझ मन्त्रिपरिषद् बैठक, डेडिकेटेड र ट्रंकलाइनको बक्यौताबारे छलफल हुने

काठमाडौं। प्रधानमन्त्री केपी शर्मा ओलीले मंगलवार साँझ ५ बजे मन्त्रिपरिषद बैठक बोलाएका छन् । सोमबार र बिहीवार मन्त्रिपरिषदको नियमित बैठक भएपनि सोमबारको बैठक प्रधानमन्त्री ओलीको व्यस्तताका कारण स्थगित भएको थियो । 

आज बस्ने बैठकमा ट्रंक र डेडिकेटेड लाइनको विवादसम्बन्धी विषयमा छलफल हुने बताएको छ ।'बैठकमा नेपाल विद्युत प्राधिकरणले उद्योगहरूमा लाइन काटेपछि उत्पन्न परिस्थितिबारे छलफल हुने मौखिक जानकारी पाएको छु,' एक मन्त्रीले  भने ।

प्राधिकरणले डेडिकेटेड र ट्रंक लाइनको बक्यौता विवादमा रहेका ४९ उद्योगलाई १५ दिनभित्र बक्यौता बुझाउन दिएको अल्टिमेटमको अवधि सकिएपछि लाइन लाइन काट्न शुरू गरेको थियो ।

विना प्रमाण महसुल नबुझाउने उद्योगीको अडान छ भने ऊर्जामन्त्री दीपक खड्काले पनि विवाद समाधानका निम्ति लाइन काट्न नपर्ने बताइरहेका छन्।