एकीकृत समाजवादी उपसभामुख रानाको पक्षमा उभिने

काठमाडौँ । नेकपा एकीकृत समाजवादीले उपसभामुख इन्दिरा राना मगरको पक्षमा उभिने निर्णय गरेको छ । बुधबार पार्टी कार्यालय आलोकनगरमा बसेको स्थायी कमिटीको बैठकले यस्तो निर्णय गरेको हो । 

बैठकपछि उपमहासचिव रामकुमार भट्टराईले उपसभामुखलाई हटाउने विषय चर्चामा रहेको भन्दै पार्टी उपसभामुखको पक्षमा उभिने निर्णय भएको जानकारी दिए । 

 आगामी मंसिरसम्ममा सातै प्रदेशमा अधिवेशन गरिसक्ने र असोज ५ गते बागमती प्रदेशको आयोजनामा काठमाडौँमा सन्देश सभा आयोजना गर्ने पनि बैठकले निर्णय गरेको छ ।