विभिन्न स्थानमा ४ जना मृतावस्थामा फेला

काठमाडौं । विभिन्न स्थानमा ४ जना मृतावस्थामा फेला परेका छन् । प्रहरी प्रधान कार्यालयकाअनुसार बाँकेको नेपालगंज उपमहानगरपालिका-१३ रामलीला मैदान नजिकै सोही उपमहानगरपालिका-१५ बस्ने ३५ वर्षीया बालिया पठान आइतबार मृत अवस्थामा फेला परेकी छिन् । 

यसैगरी बर्दियाको बारबर्दिया नगरपालिका-८ भगतपुर बस्ने ६० वर्षीय टेक बहादुर तिरूवा आफ्नै सहोदर जेठो छोरा हस्त बहादुर तिरूवाको घर नजिकै आइतबार मृत अवस्थामा फेला परेका छन् । 

यसैगरी रूपन्देहीको गैडहवा गाउँपालिका-३ गोबरौली बस्ने ६९ वर्षीय मिठ्ठु चाई पनि सोही ठाउँस्थित खेतमा आइतबार मृत अवस्थामा फेला परेका छन् । 

प्रहरीले सर्लाहीको हरिपुर नगरपालिका-४ हरैया बस्ने ५० वर्षीय शुकरात माझी सोही ठाउँस्थित पोखरीमा मृत अवस्थामा फेला परेको जनाएको छ ।