कांग्रेस केन्द्रीय कार्यसमितिको बैठक बस्दै, पार्टी कार्यालय पुग्दै नेताहरू

काठमाडौं । प्रमुख प्रतिपक्षी नेपाली कांग्रेस केन्द्रीय कार्यसमितिको बैठक आजबाट पुन: सुरु भएको छ। गत साउन २३ गतेदेखि प्रारम्भ भएको बैठक २८ गतेसम्म चलेको थियो।

बैठकमा ११ वटा विभिन्न प्रस्तावित विषयहरूमाथि धारणा राख्ने क्रम जारी रहेको मुख्य सचिव कृष्णप्रसाद पौडेलले जानकारी दिए। उनका अनुसार बैठक आजदेखि सुचारु भएको हो।

पार्टी सभापति शेरबहादुर देउवा,उपसभापति पूर्णबहादुर खड्का,शंशाक कोइराला, बालकृष्ण खाणसहित पार्टीका नेता,मन्त्री, सांसदहरू पार्टी मुख्यालय सानेपामा पुगिसकेका छन्।

पार्टी महामन्त्री विश्वप्रकाश शर्माले दुईपटकभन्दा बढी प्रधानमन्त्री बन्न नपाउने भनी पार्टीमा राखेको प्रस्तावले संस्थापक पक्ष झस्किएको छ। संस्थापन पक्ष मध्यमार्गी बाटो अपनाएर महामन्त्री शर्माको प्रस्ताव पारित गर्ने तयारीमा छ। महामन्त्री शर्माको परिमार्जित प्रतिवेदनमा राष्ट्रपति, प्रधानमन्त्री, मन्त्री र सांसदको कार्यकाल तोक्नुपर्ने उल्लेख छ।