काठमाडौं । भारतको पाँच दिने भ्रमण पूरा गरी परराष्ट्रमन्त्री आरजु राणा देउवा बिहीबार स्वदेश फर्किँदै छिन् । उनी अपराह्न ४ बजे त्रिभुवन अन्तर्राष्ट्रिय विमानस्थल आइपुग्ने कार्यक्रम छ ।
उनले विमानस्थलमा भारत भ्रमणका उपलब्धीबारे पत्रकार सम्मेलन गरेर जानकारी दिने बताइएको छ । भारतीय समकक्षी एस जयशंकरको निम्तोमा उनी आइतबार भारत गएकी हुन् । भ्रमणका क्रममा उनले प्रधानमन्त्री नरेन्द्र मोदी, विदेशमन्त्री जयशंकर र भाजपा विदेश विभाग प्रमुख डा. विजय चौथाइवालेलगायतसँग भेटवार्ता गरेकी थिइन् ।
परराष्ट्रमन्त्री राणालाई भारतले उच्च महत्व दिएकाले दुई देशविचको सम्बन्ध सुधारमा भ्रमणले सहयोग गर्ने अपेक्षा गरिएको छ । भ्रमणका क्रममा नेपाल भारत सम्बन्ध, बहुआयामिक विविधता र द्विपक्षीय हितका विषयमा कुराकानी भएको परराष्ट्र मन्त्रालयले जनाएको छ ।
प्रतिक्रिया दिनुहोस
सफल खबर संवाददाता
विहीबार, ०६ भदौ २०८१, ११ : ३८
लेखकबाट थप
सम्बन्धित समाचारहरु
परराष्ट्रमन्त्री देउवा क्यानडा जाँदै
दक्षिण एसियाका साझा समस्याबारे अनुसन्धान गर्न परराष्ट्रमन्त्रीको आग्रह
भारतीय प्रधानमन्त्री मोदी र परराष्ट्रमन्त्री राणाबीच भेटवार्ता
परराष्ट्रमन्त्री राणाले आज भारतका प्रधानमन्त्री मोदीसँग भेटवार्ता गर्ने
परराष्ट्रमन्त्री राणा आज भारत जाँदै
बंगलादेशमा नेपाली विद्यार्थी सुरक्षित छन्ः परराष्ट्रमन्त्री