काठमाडौँ । अविरल वर्षाका कारण गत जेठ २८ गतेदेखि देशका विभिन्न स्थानमा आएको बाढी, पहिरोलगायतका विपद्मा परी शुक्रवार दिउँसोसम्म १ सय ७० जनाको मृत्यु भएको छ।
बाढी, पहिरोलगायतका विपद्मा परी काठमाडौँ उपत्यकामा ३ जना, कोशी प्रदेशमा २५ जना, मधेश प्रदेशमा ६ जना, बागमती प्रदेशमा ३१ जना, गण्डकी प्रदेशमा ५४ जना, लुम्बिनी प्रदेशमा ३३ जना, कर्णाली प्रदेशमा ८ जना र सुदूरपश्चिम प्रदेशमा १० जनाको मृत्यु भएको हो।
ती घटनाहरुमा २०३ जना घाइते भएका छन्। यस्तै ४८ जना बेपत्ता भएका छन्। बाढीका कारण जम्मा ३८४ घर डुबानमा परेका छन्। २ सय ७० वटा घर, १ सय २ वटा गोठ, ४३ वटा पुल, २ वटा विद्यालय र २ वटा सरकारी कार्यालयमा क्षति पुगेको छ।
कुल ७ सय ६४ वटा पशु चौपाय मरेको छ। उक्त अवधिमा विपद्का घटनाबाट ४ हजार २ सय ९७ घर परिवार विस्थापित भएका प्रहरी प्रधान कार्यालयले जनाएको छ।
प्रतिक्रिया दिनुहोस
सफल खबर संवाददाता
शुक्रबार, २५ साउन २०८१, १६ : ५१
लेखकबाट थप
सम्बन्धित समाचारहरु
बाढी र पहिरोका कारण म्यानमारमा २०० भन्दा धेरैको मृत्यु
यागी चक्रवातपछि म्यानमारमा भीषण बाढी, दुई लाखभन्दा बढी मानिस प्रभावित
बागलुङमा बाढी–पहिरोबाट असारयता १८ जनाको मृत्यु, २२ घाइते
बाढीले बगाउँदा बागलुङमा दुईको मृत्यु, एक जना बेपत्ता
बंगलादेशमा बाढीबाट ४० लाख प्रभावित
बाढीले कञ्चनपुरमा करोडौँको क्षति