चितवन। चितवन राष्ट्रिय निकुञ्जको मध्यवर्ती क्षेत्रमा पर्ने भरतपुर महानगरपालिका–२६ भगडीमा आज दुर्लभ एकसिङ्गे पोथी गैँडा मृत फेला परेको छ ।चितवन राष्ट्रिय निकुञ्जका सूचना अधिकारी गणेशप्रसाद तिवारीका अनुसार निकुञ्जको कालाबञ्जर मध्यवर्ती उपभोक्ता सामुदायिक वन क्षेत्रमा बुढो उमेरको देखिने पोथी गैँडा मृत फेला परेको हो ।
मृत गैँडाको खाग र खुर सुरक्षित रहेको तिवारीले जानकारी दिए । उनले मृत गैँडाको शरीरमा चोटपटक तथा घटनास्थलमा कुनै शङ्कास्पद वस्तु नभेटिएको हुँदा बुढो भएर कालगतीले मरेको हुनसक्ने बताए ।निकुञ्जको प्राविधिक टोली घटनास्थलमा पुगिसकेको र पोस्टमार्टम गरेपछि मृत्युको कारण थाहा हुने उनले बताए ।
हामीले सरसर्ती हेर्दा शरीरमा कुनै चोटपटक देखिएको छैन । बुढो भएर मरेको हुनसक्ने अनुमान गरेका छौं। मृत्युबारे पोस्टमार्टम गरेपछि मात्र थाहा हुन्छ,' उनले भने । यसबारे अन्य अनुसन्धान भइरहेको उनको भनाइ छ ।
प्रतिक्रिया दिनुहोस
सफल खबर संवाददाता
मंगलबार, ०८ साउन २०८१, १३ : १७
लेखकबाट थप
सम्बन्धित समाचारहरु
बर्दियामा गैँडाको आक्रमणबाट ‘नेचर गाइड’को मृत्यु, २ जना पर्यटक घाइते
चितवन राष्ट्रिय निकुञ्जमा १० महिनामा २१ गैँडा मरे
चितवन राष्ट्रिय निकुञ्जमा बाघ र गैँडा मृत फेला
सातवटा गैँडालाई आन्तरिक स्थानान्तरण गरियो
चितवन राष्ट्रिय निकुञ्जबाट तीन भाले गैँडा स्थानान्तरण
कावासोतीबाट गैँडा स्थानान्तरण सुरु