बागमतीका मुख्यमन्त्री जम्कट्टेलले आज विश्वासको मत लिँदै

हेटौंडा । बागमती प्रदेशका मुख्यमन्त्री शालिकराम जम्कट्टेलले आइतबार (आज) प्रदेश सभाबाट विश्वासको मत लिँदैछन्। 

गत असार २४ गते नेकपा एमालेका मन्त्रीहरुले सामूहिक राजीनामा दिएर सरकारलाई दिएको समर्थन फिर्ता लिएपछि अल्पमतमा परेका मुख्यमन्त्री जम्मकट्टेलले विश्वासको मत लिन लागेका हुन्।

यस अघि तीनपटकसम्म विश्वासको मत लिएर सत्ता जोगाएका उनले चौथो पटक भने सत्ता गुमाउने निश्चित जस्तै छ। 

नयाँ सत्ता समीकरण अनुसार सरकार बनाउन लागेका एमाले र कांग्रेसले आफ्ना सांसदलाई जम्मरकट्टेलाई विश्वासको मत नदिन ह्वीप जारी गरेका छन् भने अन्य दललाई समेत विपक्षमा मतदान गर्न अनुरोध गरेका छन्।