काठमाडौ । केपी ओली नेतृत्वको सरकारले मन्त्रिपरिषद्को निर्णय २४ घण्टासम्म गोप्य राख्ने भएको छ ।
सोमबार बसेको मन्त्रिपरिषदको बैठकले मन्त्रिपरिषदको निर्णय २४ घण्टापछि मात्रै सार्वजनिक गर्ने निर्णय गरेको हो । त्यसअघि सार्वजनिक गर्नु गोपनियता विपरीत हुने भएकाले २४ घण्टासम्म गोप्य रहने पहिलेको अभ्यासलाई फेरि सुरु गर्ने निर्णय गरेको सञ्चारमन्त्री पृथ्वीसुब्बा गुरुङले जानकारी दिए ।
उनले भने, ‘मन्त्रीपरिषद्को निर्णयहरु २४ घण्टासम्म गोप्य रहन्छ । मन्त्रीहरुले पनि त्यसलाई बाहिर लैजान पाउँदैन, तर आजको निर्णय २४ घण्टापछि मात्र भन्नुपर्ने आजै भनिदो रहेछ । यो त गोपनियताको विपरीत हुन्छ । अब दोस्रो बैठकदेखि मन्त्रीपरिषद्को निर्णयहरु २४ घण्टा पछि मन्त्रालयबाट जानकारी गराइनेछ ।
यसअघि ओली सरकारको नेतृत्वमा रहँदा पनि मन्त्रिपरिषद्को निर्णय तत्काल सार्वजनिक नगर्ने अभ्यास थियो ।
प्रतिक्रिया दिनुहोस
सफल खबर संवाददाता
मंगलबार, ०१ साउन २०८१, ०७ : २१
लेखकबाट थप
सम्बन्धित समाचारहरु
मन्त्रिपरिषद्को बैठकले के के गर्यो निर्णय ?
मन्त्रिपरिषद् बैठक बस्दै
मन्त्रिपरिषदमा वरीयता हेरफेर, पर्यटन मन्त्री पाण्डे बढुवा
मन्त्रिपरिषद्ले पायो पूर्णता, तीन राज्यमन्त्री नियुक्त
प्रधानमन्त्रीले बोलाए मन्त्रिपरिषद्को आकस्मिक बैठक, जहाज दुर्घटनाबारे छानबिन गरिने
मन्त्रिपरिषद्को बैठक बस्दै