काठमाडौ । अख्तियार दुरुपयोग अनुसन्धान आयोगले ४ लाख १२ हजार रुपैयाँ घुस रकम र ५० लाख ६० हजार रुपैयाँको चेकसहित दुई जनालाई पक्राउ गरेको छ । दार्चुलाको
शैल्यशिखर नगरपालिकाका कृषि प्राविधिक (अधिकृत) मोहन सिंह धामी र कृषि प्राविधिक अशोक सिंह धामीलाई अख्तियारको टोलीले सोमबार निणन्त्रणमा लिएको हो ।
धामीद्वयले कृषि समूहको बिल भुक्तानी गर्दा कमिशन वापत सेवाग्राहीसँग घुस मागेको उजुरीका आधारमा अख्तियार दुरुपयोग अनुसन्धान आयोगको कार्यालय, कञ्चनपुरबाट खटिएको टोलीले कैलालीको धनगढी उपमहानगरपालिका वडा नम्बर ४ स्थित बोराडाडीबाट नियन्त्रणमा लिएको हो ।
अख्तियार प्रवक्ता नरहरि घिमिरेका अनुसार सेवाग्राहीबाट नगद चार लाख बाह्र हजार रुपैयाँ घुस लिइसकेको अवस्थामा उनीहरु सो रकमसहित पक्राउ परेका छन् ।
यस्तै निजहरुको साथबाट पैतालीस लाख साठी हजारको ५ थान चेक र अशोक सिंह धामीको नाममा काटिएको पाँच लाखको चेकसहित कुल ५० लाख ६० हजारको चेक बरामद भएको र यसबारे थप अनुसन्धान भइरहेको अख्तियारले जनाएको छ ।
प्रतिक्रिया दिनुहोस
सफल खबर संवाददाता
मंगलबार, ०१ साउन २०८१, ०७ : १२
लेखकबाट थप
सम्बन्धित समाचारहरु
भरतपुर क्यान्सर अस्पतालकी लेखा अधिकृत ६ लाख घुससहित पक्राउ
नापी कार्यालयका सर्वेक्षक घुससहित पक्राउ
ललितपुरमा नापी सर्वेक्षकसहित ३ जना २ लाख ५० हजार घुससहित पक्राउ
१५ लाख घुससहित समातिए बनेपा नगरपालिकाका वडाध्यक्ष
घुससहित पक्राउ परेका इन्जिनियर, हवल्दार र सई दोषी ठहर
घुस लिएको आरोपमा झापामा नापीका कर्मचारीसहित २ जना समातिए