बुटवल । लुम्बिनी प्रदेशका मुख्यमन्त्री जोख बहादुर महरासँग मगर समुदायले भूमे पर्वको अवसरमा सार्वजनिक बिदाको माग गरेको छन् ।
मुख्यमन्त्री महरासँग मगर बाहुल्य क्षेत्र दाङ र प्युठानमा भूमे पर्वको अवसरमा सार्वजनिक बिदा दिनुपर्ने भन्दै नेपाल मगर सङ्घ जिल्ला समन्वय समिति दाङले माग पत्र बुझाएको हो । मुख्यमन्त्री महराले मगर समुदायको माग प्रति आफू सकारात्मक रहेको र सार्वजनिक बिदाका लागि पहल गर्ने आश्वस्त दिए ।
सङ्घका उपाध्यक्ष खगेन्द्र पुन मगरको हस्ताक्षर रहेको पत्रमा असार १ देखि ३ गते सम्म भूमे पर्व मनाउनका लागि लुम्बिनी प्रदेश सरकारले सार्वजनिक बिदा दिनुपर्ने माग गरिएको छ ।
रोल्पा र रुकुममा विगत वर्षदेखि भूमे पर्वको अवसरमा असार १ गते सार्वजनिक बिदा दिने प्रचलन रहेकाले मगर बाहुल्य क्षेत्र दाङ र प्युठानमा पनि बिदा दिनुपर्ने नेपाल मगर सङ्घ जिल्ला समन्वय समिति दाङको माग छ । आफ्नै कला, पहिचान, रहनसहन र मौलिक पहिचान बोकेको भूमे पर्वलाई रोल्पा, रुकुम, दाङ र प्यूठान लगायतका जिल्लामा विशेष पर्वको रूपमा मगर समुदायले मनाउने प्रचलन छ ।
प्रतिक्रिया दिनुहोस
सफल खबर संवाददाता
सोमबार, २८ जेठ २०८१, ११ : १३
लेखकबाट थप
सम्बन्धित समाचारहरु
आज मगर एकता दिवस, नवलपुरका स्थानीय तहमा सार्वजनिक बिदा
जनकपुर बोल्ट्सले एनपीएल उपाधि जितेको उपलक्ष्यमा सखुवा प्रसौनी गाउँपालिकामा सार्वजनिक बिदा
पञ्चेश्वरले दियो दुई दिन सार्वजनिक बिदा
आज कर्णाली प्रदेशमा सार्वजनिक बिदा
अत्यधिक गर्मी बढेपछि विद्यालयमा बिदा
आज मुस्लिम धर्मावलम्बीका लागि सार्वजनिक बिदा