काठमाडौँ । नेपाली कांग्रेसकी सांसद ईश्वरी न्यौपानेले संसद् र सिंहदरबारमा सबैलाई समान व्यवहार हुनुपर्ने बताएकी छन् । आइतबार प्रतिनिधिसभाको बैठकमा बोल्दै सांसद न्यौपानेले सांसद र जनतालाई संसद् भवन र सिंहदरबारमा फरक व्यवहार भएको बताइन् ।
‘दूर दराजका जनताहरू काठमाडौँ आउन पनि गाह्रो हुन्छ । काठमाडौँ आएका जनताहरू संसद् भवन हेर्न चाहन्छन् । संसद् भवनमा आएर माथि (बालकुनी) जान लाग्दा रोकिन्छ । कारण के रहेछ भनेर मैले साध्दा ‘खुट्टामा चप्पल लगाएका छन् । त्यसैले रोकियो’ । माथि जान पाइँदैन भनिन्छ,’ उनी भन्छिन् ।
सांसदलाई चप्पल लगाएर संसद्को बैठकमा सहभागी हुन छुट भएपनि जनतालाई चप्पल लगाएको भन्दै कालकुनीमा रोक्नु राम्रो नभएको उनको भनाइ थियो । ‘सरकारको नियम होला भनेर म मौन बसे । मैले संसदमा पुरुष माननीयको खुट्टामा हेर्दा चप्पल देखेँ । हामीलाई सबै छुट । जनतालाई बन्देज । नियम बनाउने हामी माननीयले जस्तो लगाएर आएपनि भयो । बिचारा जनताहरू चप्पल लगाएर संसद्को बालकुनीमा जान नापाउने ? सिंहदबारमा हाफ पाइन्ट लगाएर छिर्न नपाउने ?,’ उनको प्रश्न छ ।
सांसद न्यौपानले आफू चढेको मोटरसाइकलको चालकले हाफ पाइन्ट लगाएको भन्दै सिंहदरबारमा रोकेको विषयमा पनि प्रश्न उठाएकी छन् । ‘अस्ति एउटा घटना खट्यो । म सिंहदरबारमा एउटा भाइको बाइक लिएर जाँदै थिएँ । मैले मेरो आइडी पनि देखाएँ । भित्र गएँ । तर प्रहरी दगुरीकन मेरो पछाडि आयो । मैले बाइक रोक्न लगाएँ,’ उनले भनिन् ।
सिंहदरबारमा हाफ पाइन्ट लगाएको मान्छेलाई प्रवेश गर्न नदिनुको कारणबारे सरकारको जवाफ चाहिएको न्यौपानेले बताइन् । ‘पछि मैले सोधे किन यसरी दगुरिराख्नु भएको छ ? प्रहरीले माननीयजी तपाईँलाई रोकेको होइन त्यो भाइ (बाइक चालक)लाई रोकेको हो । भाइलाई किन रोक्नु भयो भन्दा त्यो भाइले हाफ पाइन्ट लगाएको छ । जान सिंहदरबारभित्र पाउँदैन भन्ने जवाफ आयो । यसको कारण के हो सभामुखमार्फत सरकारको जवाफ चाहन्छ,’ उनी भन्छिन् ।
प्रतिक्रिया दिनुहोस
सफल खबर संवाददाता
आइतबार, २० जेठ २०८१, १२ : ०४
लेखकबाट थप
सम्बन्धित समाचारहरु
भैरहवामा 'खुल्ला मिनी म्याराथन प्रतियोगिता' गर्दै कांग्रेस
काँग्रेसको केन्द्रीय समितिको बैठक आज बस्दै
गगनको प्रतिवेदन परिमार्जनसहित केन्द्रीय समितिमा पेस गरिने
कांग्रेस शीर्ष नेताहरूको बैठक बस्दै, यस्तो छ छलफलको एजेन्डा
कांग्रेसमा शिक्षा नीति निर्माणको माग गर्दै सानेपामा पत्र दर्ता
कांग्रेसको पेशागत तथा बुद्धिजीवी विभागमा १० सदस्य मनोनीत