एजेन्सी । क्रिस्टियानो रोनाल्डोले साउदी प्रो लिगमा एकै सिजन सर्वाधिक गोल गर्ने कीर्तिमान बनाएका छन् ।
लिगको अन्तिम खेलमा अल-इतिहाड विरुद्ध २ गोल गर्दै रोनाल्डोले एकै सिजन ३५ गोलको कीर्तिमान बनाए ।
उक्त खेलमा रोनाल्डोको टोली अल नासेर ४-२ ले विजयी भएको थिए ।
३९ वर्षीय रोनाल्डोले यसअघि अब्देराजाक हमदाल्लाले सन् २०१८-१९ मा राखेको ३४ गोलको कीर्तिमान तोडेका हुन् ।
सन् २०२३ जनवरीमा म्यानचेष्टर युनाइटेड छाडेर साउदी पुगेका पोर्चुगिजका फरवार्ड रोनाल्डो अल नासेरका लागि सबै खाले प्रतियोगितामा ६९ खेलमा ६४ गोल गरेका छन् ।
अन्तिम खेलमा जितपछि अल नासेर साउदी लिगमा दोस्रो भएको छ । च्याम्पियन अल हिलालभन्दा १४ अंकले पछि रहेको अल नासेरले तेस्रो स्थानको अल-अहलीमाथि १७ अंकको अग्रता बनाएको थियो ।
रोनाल्डोले २२ वर्षे करियरमा अहिलेसम्म क्लब फुटबलमा स्पोर्टिङ लिस्वन, म्यानचेष्टर युनाइटेड, रियल मड्रिड, युभेन्ट्स र अल नासेरमा गरी ७६५ गोल गरेका छन् ।
यस्तै रोनाल्डोले पोर्चुगलका लागि २०६ खेल खेल्दै सर्वाधिक १२८ गोल गर्ने कीर्तिमान बनाएका छन् ।
प्रतिक्रिया दिनुहोस
एजेन्सी
मंगलबार, १५ जेठ २०८१, १० : ३०
लेखकबाट थप
सम्बन्धित समाचारहरु
क्रोसियामाथि पोर्चुगलको सहज जित, रोनाल्डोले पुरा गरे ९०० गोल
रोनाल्डो युइएफएको विशेष अवार्डबाट सम्मानित
अल नासरको जितमा रोनाल्डोको फ्री-किक गोल
बराबरीमा रोकियो रोनाल्डोको अल नासर
रोनाल्डोको सस्क्राइबर डेढ करोड नाघ्यो
रोनाल्डोको अल नासरलाई हराउँदै अल हिलालले जित्यो किंग्स कपको उपाधि