सरकारको नीति तथा कार्यक्रम प्रस्तुत गर्न संसद् भवन पुगे राष्ट्रपति पौडेल

काठमाडौं। सरकारको नीति तथा कार्यक्रम प्रस्तुत गर्न राष्ट्रपति रामचन्द्र पौडेल संसद् भवन पुगेका छन् ।मंगलवार अपरान्ह ३ बजे संसद् भवन पुगेका हुन् ।

संसद् भवनमा राष्ट्रपति पौडेललाई प्रतिनिधि सभाका सभामुख देवराज घिमिरे र राष्ट्रिय सभा अध्यक्ष नारायण दाहालले स्वागत गरे ।

संघीय संसद्को संयुक्त सदनको बैठकमा राष्ट्रपति पौडेलले सरकारका नीति तथा कार्यक्रम प्रस्तुत गर्दैछन् ।

संसद् भवनमा उपराष्ट्रपति रामसहायप्रसाद यादवलगायत उच्च सरकारी अधिकारी र कूटनीतिक नियोगका प्रतिनिधि उपस्थित छन् ।