ललितपुर आगलागी घटनाका दुई जनाको अवस्था गम्भीर

काठमाडौ । ललितपुर महानगरपालिका–१७ ग्वार्कोस्थित एक टहरोमा आइतबार भएको आगलागीमा परी घाइते भएकामध्ये दुई बालिकाको  मृत्यु भएको छ । यस्तै दुई जनोका अवस्था गम्भीर घाइते भएको छ । 

आगलागी हुँदा एकै परिवारका पाँचजना घाइते भएका थिए । घाइतेमध्ये आठ वर्षीया प्रिया गिरी र तीन वर्षीया एलिसा गिरीको मृत्यु भएको जिल्ला प्रहरी परिसर ललितपुरका प्रवक्ता, प्रहरी उपरीक्षक नरेशराज सुवेदीले  जानकारी दिए । 

उनीहरुको उपचारका क्रममा किष्ट अस्पतालमा सोमबार राति ७ः३० बजेतिर मृत्यु भएको प्रहरीले जनाएको छ । एकजनाको अवस्था भने खतरामुक्त रहेको प्रहरीको भनाइ छ । 

प्रवक्ता सुवेदीका अनुसार घर मालिक ३५ वर्षीय सञ्जय गिरीको भेन्टिलेटरमा र उनकी श्रीमती ३२ वर्षीया रुपा गिरीको आइसियुमा राखेर उपचार भइरहेको छ । अर्का घाइते नित गिरीको अवस्था सामान्य छ । गिरीलाई साधारण वार्डमा सारिएको छ ।