नयाँ सरकारलाइ मान्यता नदिन पाकिस्तानका सांसदले लेखे अमेरिकी राष्ट्रपतिलाइ पत्र

इस्लामबाद । सत्तारुढ डेमोक्र्याटिक पार्टीका प्रभावशाली सांसदहरूको समूहले पाकिस्तानमा भर्खरै भएको निर्वाचनमा धाँधली भएको बलियो प्रमाण उद्धृत गर्दै अमेरिकाका राष्ट्रपति जो बाइडेनलाई पत्र लेखेका छन्। 

उक्त समूहले आफ्नो पत्रमा यस सम्बन्धमा पारदर्शी र विश्वसनीय अनुसन्धान नभएसम्म पाकिस्तानको नयाँ सरकारलाई मान्यता दिन नहुने माग गरेको छ । यो समूहमा मुस्लिम सांसद पनि पर्छन् ।

पाकिस्तानमा गत ८ फेब्रुअरीमा भएको आम निर्वाचनमा व्यापक धाँधली भएको आरोप लागेको छ । चुनावी नतिजामा भंग भएको जनादेश फेला परेको छ । जेलमा रहेका पूर्व प्रधानमन्त्री इमरान खानको पाकिस्तान तहरीक ए इन्साफ पार्टीले समर्थन गरेको स्वतन्त्र उम्मेदवारले २६६ सदस्यीय राष्ट्रिय सभामा ९० भन्दा बढी सिट जितेका छन्। पूर्वप्रधानमन्त्री नवाज शरीफको पीएमएल एनले ७५ सिट जितेको छ भने पूर्व विदेशमन्त्री बिलावल भुट्टोको पाकिस्तान पिपुल्स पार्टी (पीपीपी) ले ५४ सिट जितेको छ । मुत्ताहिदा कौमी मुभमेन्ट पाकिस्तानले १७ सिट जितेको छ ।

पाकिस्तानी समाचार संस्था डानका अनुसार राष्ट्रपति बाइडेन र अमेरिकी विदेशमन्त्री एन्टोनी ब्लिन्केनलाई लेखेको संयुक्त पत्रमा सांसदहरूले पाकिस्तानको हालैको संसदीय चुनावमा मतदान गर्नुअघि र पछि धाँधली भएकोमा चिन्ता व्यक्त गरेका छन्।

उनीहरूले अमेरिकी संसदलाई निर्वाचनमा हस्तक्षेपको पारदर्शी र विश्वसनीय छानबिन नभएसम्म पाकिस्तानको नयाँ सरकारलाई मान्यता नदिन आग्रह गरेका छन्। अमेरिकी सांसदहरूले भने, ‘चुनावमा धाँधली भएको बलियो प्रमाणलाई ध्यानमा राख्दै, हामी तपाईंलाई पाकिस्तानको नयाँ सरकारलाई मान्यता दिनु अघि पूर्ण, पारदर्शी र विश्वसनीय अनुसन्धानको लागि पर्खन आग्रह गर्दछौं।’

उनीहरूले भनेका छन, ‘यो आवश्यक कदम नचालेमा तपाईले पाकिस्तानी अधिकारीहरूको अलोकतान्त्रिक व्यवहारलाई समर्थन गर्ने जोखिममा पार्नु हुनेछ र पाकिस्तानी जनताको लोकतान्त्रिक इच्छालाई कमजोर बनाउन सक्नुहुन्छ।’

यसले प्रभावशाली मुस्लिम सांसदहरू राशिदा तलाइब, इल्हान ओमार र आन्द्रे कार्सनले पनि पत्रलाई समर्थन गरेको बताएको छ। पत्रमा भारतीय मूलकी कांग्रेस सदस्य प्रमिला जयपालको पनि हस्ताक्षर छ ।