टेरामक्सको उद्देश्य नै स्पष्ट छैन : मनिष झा

काठमाडौँ । राष्ट्रिय स्वतन्त्र पार्टीका सांसद मनिष झाले टेरामक्सको उद्देश्य स्पष्ट नभएको बताएका छन् । उनले आज सार्वजनिक लेखा समितिको बैठकमा बोल्दै टेरामक्स जडानको लक्ष्य वा उद्देश्य नै स्पष्ट नभएको बताएका हुन् ।

यस्तै टेरामक्सका सामग्री जडान गर्न चाहिने उपकरण किन्न एडभान्स रकम पठाएको भनिए पनि कति रकम पठाएको नखुलेको झाको भनाई छ ।  एडभान्सबापतको रकम कति पठाएको हो भन्ने खुलाउन पर्ने उनको माग छ ।

यस्तै, नेपालबाट टेरामक्स उपकरण आयतमा भुक्तान गरेको भनिएको बैङ्कले पटक पटक कुनै विदेशी रकम सटही नभएको बताइसकेको उनले बताए । यसबाहेक, लेबनानको कम्पनीले ठेक्का पाउनुको तात्पर्य बुझ्न पर्ने समेत झाको भनाइ छ ।

तत्कालीन सञ्चार मन्त्रीको स्वकियसचिव यतिबेला टेरामक्सको रास्ट्रिय सल्लाहकारका रूपमा रहेको विषय समेत गम्भीर रहेको बताइएको छ । यसबाहेक नेपाली कम्पनीलाई छाडेर वर्सौ पहिलाको पुरानो प्रविधि किन्न पर्ने विषय झनै गम्भीर रहेको झाले बताए ।