रोनाल्डोको दुई गोलमा अल नासरको सहज जीत

एजेन्सी । क्रिस्टियानो रोनाल्डोको दुई गोलको मद्दतले अल नासरले साउदी प्रो लिगमा अल ओखदुदमाथि सहज जीत हासिल गरेको छ । शुक्रबार भएको खेलमा अल नासर ३–० गोलले विजयी बन्यो ।

खेलको १३ औँ मिनेटमा सामी अल नाजेईले गोल गर्दै टोलीलाई अग्रता दिलाए । त्यसपछि दोस्रो हाफको ७७ औँ मिनेटमा रोनाल्डोले टोलीको अग्रता दोब्बर बनाए । तीन मिनेटपछि ३८ वर्षीय खेलाडीले ओखदुदका गोलकिपरलाई ३५ यार्ड टाढाबाट चिप गर्दा अल अवाल पार्क स्टेडियममा समर्थकहरू दङ्ग परेका थिए । 

जीतपछि अल नासरले लिगको शीर्ष स्थानमा रहेको अल हिलालसँगको दुरी १ अङ्कमा घटाएको छ । यद्यपि, नेयमारको टोलीले एक खेल कम खेलेको छ । १४ खेलबाट अल नासरले ३४ अङ्क बटुलेको छ ।