फिल्म मालिकाको दोस्रो गीतमा महिला अधिकारका कुरा

काठमाडौं : रेखा थापाको फिल्मसकाे ब्यानरमा निमार्ण भएको फिल्म ‘मालिका’को दोश्रो गीत सार्वजनिक भएको छ । ‘हल्का माया के माया’ पछि फिल्मको दोस्रो ‘सररसरर हावा बहन्छ’बोलको गीत सार्वजनिक भएको हो। नारी अवाज र अधिकारका विषय उठाइएको उक्त गीतमा आस्था राउतको स्वर तथा सुरेश अधिकारीको शब्द संगीत रहेको छ। 

 गीतमा अभिनेत्री रेखा थापा र कमला वलीको अभिनय रहेको छ। 

रेखा थापाको आफ्नै निर्देशनमा तयरा फिल्म ‘मालिका’ आउदो लक्ष्मीपूजादेखि  प्रदर्शनमा आउने छ।  महिला  सशक्तिकरणा र महिला अधिकारका मुद्धा उठाएर तयार फिल्ममा रेखा थापा र जाजरकोटकी नव कलाकार कमला वलीको मुख्य अभिनय रहेको छ। 

शिवम अधिकारीको लेखन पटकथा रहेको फिल्ममा रेखा र नर कार्कीको कथा तथा कन्सेप्ट छ । नर कार्की फिल्मका कार्यकारी निर्माता समेत हुन् भने निर्मातको रुपमा रेखाकी आमा सरस्वती थापा छिन् ।