तीज प्रतियोगितामा साझपुर टोल पहिलो

चितवन । रेडियो भरतपुरको रमाइलो तीज–२०७५ कार्यक्रमअन्तर्गत भरतपुर महानगरपालिका वडा नं २८ तीजगीत कार्यक्रम सम्पन्न भएको छ । पश्चिम चितवनको सरस्वती उच्च माविमा भएको सम्पन्न तीज गीत प्रतियोगितामा वडा नं २८ का विभिन्न  ६ वटा समूहको सहभागिता रहेको थियो ।

सहभागी समूहहरुले लैङ्गिक विभेद, महिला हिंसा, बलात्कारका विरुद्ध एवं समान अधिकारको पक्षमा गीत प्रस्तुत गरेका थिए । कार्यक्रममा साझपुर टोल बिकास संस्था प्रथम, साझापुुर सेरुवा समुह द्वितीय, स्वर्गद्वारी समूह तृतीय भएका छन् । प्रथम, द्वितीय र तृतीय हुने समूहले क्रमशः ५ हजार, ३ हजार, र २ हजार पुरस्कार प्राप्त गरेको छन् । प्रथम हुने साझापुर टोल विकास समूहले हरितालिका तीजका दिन हुने फाइनल प्रतियोगितामा सहभागी हुन पाउने छन् ।