इलाममा स्कुल बस दुर्घटना हुँदा चौध विद्यार्थी घाइते

इलाम । स्कुल बस दुर्घटना हुँदा इलममा १४ विद्यार्थी घाइते भएका छन् । घाइतेमध्ये ११ जनालाई इलाम अस्पतालमा सामान्य उपचारपछि सघन उपचारका लागि झापाको बीएण्डसी  अस्पताल लगिएको छ । तीनजना विद्यार्थीको इलाम अस्पतालमा इलाममा उपचार भइरहेको छ ।
इलाम नगरपालिका–१, साँखेजुङमा आशादीप बोर्डिङ स्कुलको मे १ ख १९५५ नम्बरको बस विद्यार्थी बोकेर विद्यालयतर्फ जाने क्रममा रक्सेमा सोमबार दुर्घटना भएको हो । विपरीत दिशाबाट आउँदै गरेको गाडीलाई साइड दिने क्रममा सडकबाट बस पल्टिएर तल झरेकोे जिल्ला प्रहरी कार्यालय इलामले जनाएको छ ।

दुर्घटनामा ३ देखि १४ वर्ष उमेर समूहका विद्यार्थीहरु घाइते भएका छन् । विद्यार्थीको टाउको, जीउ र खुट्टामा चोट लागेको प्रहरीले जनाएको छ ।  बसमा २६ जना विद्यार्थी सवार रहेको प्रारम्भीक जानकारी प्रहरीले दिएको छ । बस चालक दीलबहादुर मगरलाई प्रहरीले नियन्त्रणमा लिएको छ ।