चितवन । प्रदर्शनको अन्तिम तयारीमा रहेको चलचित्र ‘जय शम्भु’ युनिट यति बेला चलचित्र प्रचार प्रसारको लागि मोफसल यात्रामा रहेको छ ।पोखरा,बुटवल हुदै चितवन आएको ‘जय शम्भु’ युनिटले आईतबार चितवनमा पत्रकार भेटघाट आयोजना गरेर चलचित्रको बारेमा जानकारी दिएको छ।
चलचित्रका नायक अनुप विक्रम शाहीले आफुलाई दर्शकले सबै खालको भूमिकामा मन पराएको हुदा यस पाली फुलएक्शन चलचित्र लिएर आएको बताउदै एक पटक हेर्न अनुरोध गर्नु भयो।एउटा राम्रो चलचित्र निर्माण भएको हुदा आफु बिरामी हुदा हुदै पनि औषधि खाएर पनि प्रचार प्रसारमा हिनेको बताउनु भयो ।पछिल्लो समय कमेडी फिल्म बढी निर्माण हुने एक्शन फिल्म कम निर्माण हुने भएकोले एक्शन चलचित्र ‘जय शम्भु’ लाई दर्शकले मन पराउने बताए ।
नायिका बर्षा शिवाकोटीले पनि चलचित्र धेरै राम्रो बनेको हुदा हामी मोफसलमा समेत चलचित्रको प्रचार प्रसारमा आएको बताउनु भयो ।चलचित्रका निर्माता अरविन्द्रमान शाक्य ले करिब २ करोडमा निर्माण गरिएको चलचित्र ‘जय शम्भु’ एक्शन लभस्टोरी चलचित्रले दर्शकलाई मन पर्ने बताउनु भयो ।
भदौं १ गतेबाट प्रदर्शनमा आउने यस चलचित्रमा दिनेश शाही प्रस्तुतकर्ता तथा अरविन्द्रमान शाक्य निर्माताको रुपमा रहेका छन् भने चक्र पाख्रिन कार्यकारी निर्माताको रुपमा रहेका छन् । यस्तै सह निर्माताहरु कुशल शर्माा र शिक्षा काफ्ले हुन् । फिल्मलाई रुपेश तामाङले निर्देशन गरेका हुन् ।
फिल्ममा हरि घले लामाको छायाँकन, श्री श्रेष्ठको एक्शन, टंक बुढाथोकीको संगीत, बनिश शाहको सम्पादन, रामजी लामिछानेको नृत्य रहेको छ । फिल्ममा प्रशान्त, अनुप र बर्षासँगै रोशन महर्जन, करुणा पाण्डे, रश्मी भट्ट, बसन्त भट्ट, राज कुमार थापा, कालु राना आदको मूख्य भुमिका रहेको छ ।
प्रतिक्रिया दिनुहोस