यी हुन् महंगा ६ हिरो, जसले लिए ३५ लाखसम्म पारिश्रमिक

काठमाडौं । चर्चाले कलाकारको पारिश्रमिकमा प्रत्यक्ष फाइदा पुर्याउने गर्छ । भर्चुअल सोसाइटीको अहिलेको जमानामा सामाजिक सञ्जालमा देखिने कलाकारको फ्यान फलोइङ र उसका कामले सिर्जना गर्ने ट्रेन्डिङले सेलिब्रिटी निर्धारण गरिरहेको हुन्छ । पछिल्ला वर्ष नेपाली फिल्मका हिरो–हिरोइनको क्रेज पनि बढ्दो छ । जसको प्रतिछाया उनीहरुले लिने पारिश्रमिकमा देखिएको छ ।  यतिबेला हिरो हिरोइनले हतारिएर फिल्म नखेल्ने र खेल्दा मोटै रकम लिने ट्रेन्ड बढ्दो छ ।

अहिलेका चर्चित हिरोहरुले सर्वाधिक कति पारिश्रमिक लिए ?
अनमोल केसीले सर्वाधिक ३० देखिख ३५ लाखसम्म पारिश्रमिक लिएका छन् ।  यस्तै प्रदीप खड्काले २२ लाख, पल शाहले १५ लाखसम्म सर्वाधिक पारिश्रमिक लिएका छन् । यस्तै अहिलेका चल्तीका हिरोहर दयाहाङ राई सौगात मल्ल र विपिन कार्कीले पनि १० देखि १५ लाखसम्म पारिश्रमिक लिने गरेको समाचारमा उल्लेख छ ।  -कान्तिपुर दैनिक