तनहुँ । देवघाटको झोलुङ्गे पुलबाट हामफालेका युवकलाई सशस्त्र प्रहरीको टोलीले जिवितै उद्धार गरेको छ । नवलपरासी घर बताउने चितवन भरतपुर बस्दै आएका २४ बर्षीय धिरज राउत पुलबाट हाम फालेका हुन् ।
बिपद ब्यवस्थापन गण कुरिन्टारका सशस्त्र प्रहरी सहायक निरिक्षक प्रहलाद सिलवालका अनुसार एक महिनादेखि श्रीमतीले घर छाडेर गएपछि राउतले पुलबाट हामफालेर आत्महत्याको प्रयास गरेका थिए ।
नदिले बगाएर ९ सय मिटर पर पु¥याएपछि सशस्त्र उद्धार टोलीका ८ जवानले उनलाई उद्धार गरेको प्रहरी सहायक निरिक्षक सिलवालले जानकारी दिनुभयो ।
लामो समय प्रेम सम्बन्ध पछि उनीहरुको विवाह भएको भएपनि विवाह गरेको ४ महिना नपुग्दै दुई बिच मनमुटाव शुरु भएको अनुसन्धानमा खुलेको छ ।
प्रहरीका अनुसार श्रीमतीको पर पुरुषसँग सम्बन्ध रहेको भन्दै राउतले आत्महत्या गर्न देवघाट पुगेका थिए ।
प्रतिक्रिया दिनुहोस
सफल खबर संवाददाता
सोमबार, २१ साउन २०७५, १७ : ५३
लेखकबाट थप