खुला राष्ट्रिय उसुमा शिअ टिम च्याम्पियन

काठमाडौँ । शिअ उसु क्वान ‘तेस्रो अन्तर क्वान खुला राष्ट्रिय उसु प्रतियोगिता’ मा शुक्रबार टिम च्याम्पियन बनेको छ । चार स्वर्ण र सात रजत पदकसहित शिअ समग्रमा टिम च्याम्पियन बनेको हो ।

प्रतियोगितामा काठमाडौँ उसु क्वान दोस्रो भयो । दोस्रो भएको काठमाडौँ उसु क्वानले चार स्वर्ण र तीन रजत पदक जित्यो । तेस्रो भएको निन्जा उसु क्वानले समान तीन स्वर्ण र तीन रजक पदक हात पा¥यो ।

शीर्ष तीन स्थान हात पार्ने टोलीले क्रमशः ३० हजार, २० हजार र १० हजार रुपैयाँ नगद पुरस्कार हात पारे । नेपाल उसु महासंघद्वारा आयोजित उक्त प्रतियोगिताको थाउलोतर्फ पुरुषमा पशुपति उसु क्वानका सागर खड्का र महिलामा कालभैरव उसु क्वानकी अस्मिता श्रेष्ठ सर्वोत्कृष्ट खेलाडी घोषित भए ।

यसैगरी सान्सौंको पुरुषमा काठमाडौँका निश्चल तामाङ र महिलामा शिअकी अस्मिता गाहामगर सर्वोत्कृष्ट खेलाडी चुनिए । थाउलोमा शिअका ओमप्रकाश ओली र सान्सौंमा काठमाडौँका मिलन राई उदीयमान खेलाडी घोषित भए ।