एजेन्सी । गत हप्ता युक्रेनको एउटा रेस्टुरेन्टमा रुसी मिसाइल आक्रमण भएको थियो ।
यस हमलामा घाइते भएकी युक्रेनी लेखिका तथा युद्ध अपराध अनुसन्धानकर्ता भिक्टोरिया अमेलिनाको उपचारको क्रममा मृत्यु भएको छ । अभिव्यक्ति स्वतन्त्रता समूह पेनले उनको मृत्यु भएको पुष्टी गरेको हो ।
पूर्वी सहर क्रामाटोर्स्कमा रहेको रिया पिज्जा रेस्टुरेन्टमा रुसी मिसाइलले पूर्णरुपमा ध्वस्त पार्दा ३७ वर्षीया भिक्टोरिया अमेलिना घाइते भएकी थिइन् भने १२ जनाको मृत्यु भएको थियो । मृत्युमा बालबालिका पनि थिए । सो आक्रामणमा परी धेरै जना घाइते भएका थिए ।
पेन युक्रेनले आफ्नो फेसबुक पेजमा जारी गरेको विज्ञप्तिमा भनिएको छ, ‘धेरै दुःखका साथ हामी तपाईंलाई यो जानकारी दिन्छौं कि युक्रेनी लेखिका भिक्टोरिया एमेलिनाको जुलाई १ मा डिनिप्रोको मेक्निकोभ अस्पतालमा निधन भएको छ। एमेलिना कोलम्बियाका पत्रकार र लेखकहरूको प्रतिनिधिमण्डलको हिस्सा थिइन्।’
उनको उपचारमा संलग्न चिकित्सकका अनुसार भिक्टोरिया एमेलिनाको टाउकोमा विभिन्न ठाउँमा भाँचिएको थियो । अस्पतालमा उपचारका क्रममा उनको मृत्यु भएको हो ।
पेनका अनुसार, सन २०१७ मा भिक्टोरिया अमेलिनाको उपन्यास ‘डोम्स ड्रीम किंगडम’ मा प्रकाशित भएको थियो। उनी युनेस्को सिटी अफ लिटरेचर प्राइज र युरोपियन युनियन प्राइज फर लिटरेचरका लागि सर्टलिस्ट भएकी लेखिका हुन । उनका कविता, गद्य र निबन्धहरू अंग्रेजी, जर्मन, पोलिश र अन्य भाषाहरूमा अनुवाद गरिएका छन्।
सन २०२२ मा युक्रेनमा आक्रमण भएदेखि भिक्टोरिया अमेलिनाले रुसी युद्ध अपराधको अभिलेख राख्ने र जवाफदेहिताको वकालत गर्ने काम गरिरहेकी थिइन ।
प्रतिक्रिया दिनुहोस
एजेन्सी
मंगलबार, १९ असार २०८०, ०७ : २९
लेखकबाट थप
सम्बन्धित समाचारहरु
मिसाइल खरिदका लागि युक्रेनलाई दुई अर्ब अमेरिकी डलर सहयोग गर्ने बेलायतको घोषणा
भारतले गर्यो हाइपरसोनिक मिसाइलको सफल परीक्षण
इजरायलमाथि इरानको मिसाइल आक्रमण
इरानले रुसलाई मिसाइल दिएपछि थप युद्धको डर
भारतले बेच्यो फिलिपिन्सलाइ सुपरसोनिक क्रुज मिसाइल