काठमाडौं । १६ वर्षमुनिको एन्फा लिग असार ३० गतेदेखि हुने भएको छ । अखिल नेपाल फुटबल संघ (एन्फा) ले लिगबारे जानकारी गराएको हो ।
एन्फाले ’ए’ डिभिजन लिग क्लबसँगको छलफलपछि लिगको नयाँ मिति तय गरेको हो । एन्फाले यसअघि लिग असार २३ गतेदेखि हुने बताएको थियो । क्लबले मंगलवारसम्म आफ्ना टोली दर्ता गर्नुपर्नेछ । लिगमा सहभागी हुन असार २४ गतेसम्म खेलाडी दर्ता गर्नुपर्ने छ ।
लिगको खेल तालिका असार २५ मा सार्वजनिक हुनेछ । लिगका खेलहरु शुक्रवार, शनिवार र सार्वजनिक बिदाको दिन खेलाइने छ । एन्फाले लिगमा सहभागी प्रत्येक क्लबलाई तयारीका लागि ३ लाख रुपैयाँ उपलब्ध गराउने सहमति भएको छ ।
प्रतिक्रिया दिनुहोस
सफल खबर संवाददाता
सोमबार, ११ असार २०८०, १५ : ४१
लेखकबाट थप