जसपाले बोलायो केन्द्रीय समितिको बैठक

काठमाडौं  ।  जनता समाजवादी पाटी (जसपा)ले केन्द्रीय समितिको बैठक बोलाएको छ। विधान अधिवेशनको तयारी गर्न असार ९ गते बैठक बोलाइएको हो। 

बैठकमा केन्द्रीय कार्यकारिणी समितिले विभिन्न समिति र संगठनहरूले पठाएको सुझावहरू समेटेर तयार पारेको संशोधित विधानबारे छलफल हुने छ। 

जसपाले असार १०, ११ र १२ गते  काठमाडौंमा विधान अधिवेशन गर्दैछ। विभिन्न समिति र संगठनबाट गरी ७७८ जना प्रतिनिधिहरू विधान अधिवेशनमा सहभागी हुँदैछन्।