बालक बलात्कारको आरोपमा साढे १२ वर्ष जेल

काठमाडौं । आठ वर्षीय एक बालकलाई करणी गरेको अभियोगमा बागलुङको बडिगाड गाउँपालिका–७ का १९ वर्षीय इमानसिंह रानालाई साढे १२ वर्ष कैद सजाय तोकिएको छ।

 जिल्ला अदालत बागलुङले उनलाई १२ वर्ष ६ महिना कैद  भुक्तान गर्न आदेश दिएको हो।  अप्राकृतिक मैथुन गरेको पुष्टी गर्दै जिल्ला न्यायाधीश दिवाकर भट्टको इजलासले कैदसँगै ४० हजार जरिवानासमेत भराउन आदेश दिएको अदालत इजालाश अधिकृत गङ्गाधर सापकोटाले जानकारी दिए।

रानाले २०७९ साउन २० गते अप्राकृतिक मैथुन गरेको अभियोगमा पीडित बालकका अभिभावकले साउन २२ गते जिल्ला प्रहरी कार्यालय बागलुङमा उजुरी दिएका थिए।

प्रहरीले सोही दिन उनलाई घरबाटै गिरफ्तार गरेको थियो। भदौ १३ गते जिल्ला अदालत बागलुङमा मुद्दा दर्ता गरेको थियो।