‘गेरू वस्त्र’ धारणबारे प्रधानमन्त्रीले भने, ‘अहिले म कम्युनिष्ट मात्र होइन, प्रधानमन्त्री पनि हुँ’

त्यसबारे सामाजिक सञ्जालमा भएका टिप्पणीप्रति जवाफ दिँदै प्रधानमन्त्री प्रचण्डले परराष्ट्रमन्त्री एनपी साउदको इच्छामा रुद्राक्ष बोकेर गएको पनि बताए । ‘मिडियामा आएको देखें मैले । रुद्राक्ष, यो लाने इनिसियटिभ्स परराष्ट्रमन्त्रीको हो । उहाँले यो लानुपर्छ भनेपछि हुन्छ तपाईंले लानु हुन्छ भने राम्रै हुन्छ भनेको हो मैल । उहाँले लगेकोलाई मैले नछुने अब ?,’ प्रधानमन्त्री प्रचण्डले भने ।

उक्त रुद्राक्ष चढाउनेबारे आफ्नो दिमागमा नभएको पनि प्रचण्डले बताएका छन् । ‘त्यो चढाएको श्रीमतीको स्वास्थ्य ठिक हुन्छ भनेर विल्कुल होइन । त्यो मेरो दिमागमा थिएन, अहिले पनि छैन । यहाँ पत्नीको स्वास्थ्यका लागि रुद्राक्ष दियो भनेर तल झारिदिने क्या ?,’ प्रधानमन्त्री प्रचण्डले भने ।

पत्नी दाहालको स्वास्थ्य अवस्थाबारे जानकारी दिँदै उनले निको नहुने खालको रोग लागेको जानकारी गराए । ‘मेरो पत्नीको स्थिति के छ तपाईंहरु सबैलाई थाहा छ । उनको बिमार निको हुने खालको नै होइन । म कस्तो प्रवृत्तिको मान्छे तपाईंहरुलाई थाहा छ’, प्रधानमन्त्री प्रचण्डले थपे, ‘अनि म महाकालेश्वर गएर पत्नी बचाइ पाउँ भन्छु होला त ? त्यसको केही अर्थ हुन्छ । मान्छेले गर्ने पनि सीमाभित्र बसेर गर्नु प¥यो, त्यो अलि बढी भयो ।’