आज कुर्था–बिजलपुरा रेलमार्ग नेपाललाई हस्तान्तरण हुने

काठमाडौं । भारत–नेपाल मैत्री रेल परियोजना अन्तर्गत प्रधानमन्त्री नरेन्द्र मोदीले कुर्था–बिजलपुरा रेल खण्ड आज नेपाललाई हस्तान्तरण गर्ने छन् । प्रधानमन्त्री नरेन्द्र मोदीले दिल्लीमा यो औपचारिकता पूरा गर्नेछन् ।

मधुबनीको जयनगरदेखि नेपालको बिहारको बर्दिबाससम्म रेलमार्ग निर्माण भैरहेको छ । निर्माणको दोस्रो चरण अन्तरगत यो खण्डमा कुर्थादेखि बिजलपुरासम्म रेल चलाउने तयारी पूरा भएको छ ।

कुर्थादेखि बिजलपुरासम्म पिपराधी र सिगयाही स्टेशन तथा लोहापट्टी हाल्ट निर्माण गरिएको छ ।

यो रेल खण्ड निर्माण कम्पनी इरकानका संयुक्त निर्देशक विवेक निगमले जुन १ मा दुवै देशका प्रधानमन्त्रीले नयाँ दिल्लीमा रेल खण्ड हस्तान्तरणको औपचारिकता पूरा गर्ने बताए । नेपाल रेलवेका जीएम निरञ्जन झाले जुलाईको पहिलो साता कुर्थादेखि बिजलपुरासम्म रेल सञ्चालन हुने बताएका छन् ।

करिब १३ सय करोडको लागतमा जयनगरदेखि बर्दिबाससम्म ६५ दशमलव ५ किलोमिटर लामो रेल खण्डको काम भैरहेको छ । कम्पनीले सन् २०१४ मा मेगा ब्लक निर्माणको काम सुरु गरेको थियो ।

सन् २००१ मा नेपालमा आएको बाढीले जनकपुर र बिजलपुरा बीचको रेल पुल भत्काएको थियो । त्यसपछि रेल जनकपुरसम्म मात्र चलेको थियो ।

भारत सरकारले सन् २०१० मा भारत–नेपाल मैत्री रेल परियोजनाअन्तर्गत यसलाई ब्रोडगेजमा परिणत गर्ने योजना बनाएको थियो ।