काठमाडौ । एम्बुलेन्सहरूलाई एकद्वार प्रणालीबाट सञ्चालन गर्नेगरी निर्देशिका जारी गरेको स्वास्थ्य मन्त्रालयले सोहीअनुसार सेवा दिन सूचित गरेको छ ।
मन्त्रालयले निर्देशिकाबमोजिम मापदण्ड पूरा गरेर एम्बुलेन्स सञ्चालन अनुमति तथा नवीकरण प्रमाणपत्र लिई एम्बुलेन्स सञ्जालमा आबद्ध हुन सम्बन्धित सबैमा अनुरोध गरेको छ ।
३५ दिनभित्र सञ्चालन अनुमति तथा नवीकरण नगरेको पाइएमा जनस्वास्थ्य सेवा ऐन, २०७५ को दफा ५३ बमोजिम कारबाही हुने मन्त्रालयले स्पष्ट गरेको छ ।
मन्त्रालयका अनुसार हाल नेपालभर १०२ अङ्कको टेलिफोनबाट एम्बुलेन्स प्राप्त गर्ने व्यवस्था भएको छ । सो कार्यको सहजीकरण प्रेषण केन्द्रहरूले गर्ने व्यवस्था भएको जानकारी दिँदै मन्त्रालयले सबैको पहुँचमा पुग्ने गरी एम्बुलेन्स सञ्चालन गर्न एम्बुलेन्स सञ्जालको निर्माण भई सफ्टवेयरमा विवरणहरू अपडेट गर्ने कार्य भइरहेको जनाएको छ ।
तर, दुई, दुई वर्षमा सञ्चालन अनुमति नवीकरण गर्नुपर्ने व्यवस्था भएपनि कतिपय एम्बुलेन्स सञ्चालकहरूले सञ्चालन अनुमति एवम् नवीकरण नगरिकन सञ्चालन गरेको पाइएकाले मन्त्रालयले बुधबार ३५ दिने सूचना निकालेको हो ।
प्रतिक्रिया दिनुहोस
सफल खबर संवाददाता
बुधबार, २० बैशाख २०८०, ०७ : ४२
लेखकबाट थप
सम्बन्धित समाचारहरु
गर्भवती र सुत्केरीलाई निःशुल्क एम्बुलेन्स सेवा
स्याङ्जामा गर्भवती र सुत्केरीलाई निःशुल्क एम्बुलेन्स सेवा
एम्बुलेन्सको स्तरोन्नति गर्न प्रदेश सरकारको परिपत्र
धादिङमा सञ्चालित अधिकांश एम्बुलेन्स मापदण्ड विपरीत