काठमाडौँ । नक्कली परीक्षार्थी बनेर अर्काको नाममा सवारी चालक अनुमतिपत्रको ट्रायल (प्रयोगात्मक परीक्षा) दिने एक जनालाई बुधवार ट्राफिक प्रहरीले नियन्त्रणमा लिएको छ।
धादिङ घर भएका २८ वर्षीय राजेश शाहीलाई ट्राफिक प्रहरीले नियन्त्रणमा लिएको हो।
काठमाडौँ उपत्यका ट्राफिक प्रहरी कार्यालयबाट खटिएको ट्राफिक प्रहरी टोलिले काठमाडौँको दक्षिणढोका ट्रायल सेन्टरबाट धादिङका २८ वर्षीय प्रकाश पोखरेलको दुईपांग्रे सवारी साधनको ट्रायल दिँदै गरेको अवस्थामा शाहीलाई फेला पारेको थियो।
नियन्त्रणमा आएका शाहीलाई थप अनुसन्धान तथा कारबाहीका लागी प्रहरी वृत्त बौद्ध पठाइएको छ।
अर्काको नाममा झुक्याएर ट्रायल दिने प्रवृत्तीलाई रोक्नको लागी विशेष कडाइ गरिएको काठमाडौँ उपत्यका ट्राफिक प्रहरी कार्यालय रामशाहपथका प्रवक्ता प्रहरी वरिष्ठ उपरीक्षक राजेन्द्रप्रसाद भट्टले बताए।
यसका साथै अर्कै व्यक्तिले परीक्षा दिएर सवारी चालक अनुमतिपत्र निकाल्दा दक्ष चालकको कमी भइ दुर्घटनासमेत निम्तिने भएकाले ट्रायल सेन्टरहरूमा थप निगरानी बढाइएको समेत उनले बताए।
प्रतिक्रिया दिनुहोस
सफल खबर संवाददाता
विहीबार, १४ बैशाख २०८०, ०८ : २४
लेखकबाट थप
सम्बन्धित समाचारहरु
कर्णाली र सुदूरपश्चिममा पनि आफ्नै सवारी साधनले ट्रायल दिन पाउने व्यवस्था लागू
आफ्नै सवारी साधनबाट ट्रायल दिने व्यवस्था मिलाउन सतर्कता केन्द्रको निर्देशन