चितवनमा सवारी लाइसेन्सको लिखित र ट्रायल परीक्षा चैत २८ र २९ गते हुने

कार्यालयले आज (सोमबार) पनि वायोमेट्रिक लिँदै छ । वायोमेट्रिक लिन थालेपछि यातायात कार्यालयमा सेवाग्राहीको भिड बढेको छ भने व्यवस्थापनका केहि कमजोरी देखिएको छ । सेवाग्राहीको विवरण प्रमाणित गर्ने र बैंक काउन्टरमा एक जना मात्रै कर्मचारीले काम गर्दा आइतबार बेलुकासम्मै कार्यालयमा सेवाग्राहीको लामो लाइन लागेको थियो ।

कार्यालयले चैत २८ गते लिखित परीक्षा र चैत २९ गते ट्रायल परीक्षा लिने यातायात कार्यालयका प्रमुख कालिबहादुर भुजेलले बताए । लिखित र ट्रायल परीक्षा महालक्ष्मी ट्रायल सेन्टरमा हुने छ । सेवाग्राहीको लाइनलाई व्यवस्थित गर्दै छिटो छरितो सेवा दिन कार्यालयले चरणबद्ध रुपमा काम गर्दै जाने उनले बताए । पहिलो पटक सेवा सुरु भएकाले सञ्चालनमा केहि कमजोरी भएको उनले स्वीकार गरे ।