चितवन । चितवनको नारायणगढस्थित क्याम्पाचौरमा यही शनिबार ‘म्युजिकल च्यारिटी इभेन्ट’ हुने भएको छ । रोटर्याक्ट क्लब भरतपुर र रोटर्याक्ट क्लब अफ रत्ननगरको आयोजनामा हुन लागेको सो साङगीतिक कार्यक्रमको तयारी पुरा भएको छ ।
सो क्रममा चर्चित पपगायक नितेसजंग कुवँरको विशेष प्रस्तुती रहनेछ । यस्तै ‘द अक्टेभ्स’, शिशिरजंग श्रेष्ठ, द शस्त्र नेपाल, प्रेक्षा एण्ड सुश्मा, डिजे सिल, डिजे कै–ट्र्यासिड लगायतको सांगीतिक महोल बनाउनेछन् ।
अनाथ बालबालिकालाई सहयोग गर्ने लक्ष्य लिएर कार्यक्रम गर्न लागिएको रोटर्याक्ट क्लब अफ भरतपुरका मनोनित अध्यक्ष दीपक कँडेलले जानकारी दिए । इभेन्टका लागि ५ सय र १ हजार रुपैयाँका टिकटको व्यवस्था गरिएको छ । कार्यक्रम दिउँसो ३ बजेदेखि सुरु हुनेछ ।
‘सामाजिक क्षेत्रमा सहयोग गर्ने उद्धेश्यले इभेन्ट गर्न लागिएको हो। रचनात्मक कामबाट पनि समाजसेवा गर्न सकिन्छ भन्ने सन्देश जनमानसमा दिने सोचेका छौं’ आयोजक समितिका सदस्य आकर्षक खतिवडाले भने।
प्रतिक्रिया दिनुहोस
सफल खबर संवाददाता
शुक्रबार, २२ असार २०७५, १४ : ५२
लेखकबाट थप