चितवन २८ मंसीर । नेपालले थाइल्याण्डमा जारी एसीसी अण्डर १६ इष्टर्न रिजनल क्रिकेट प्रतियोगिता अन्तर्गतको समुह चरणको अन्तिम खेलमा ऐतिहासिक जित हात पारेको छ । प्रतियोगितामा नेपालले म्यानमारविरुद्धको खेलमा जित हासिल गरेको हो ।
खेलमा ३ सय ५१ रनको उच्च चुनौती पछ्याएको म्यानमारलाई ११ दशमलव ३ ओभरमा १३ रनमा समेट्दै नेपालले ३ सय ३७ रनको कीर्तिमानी बनाउन सफल भएको थियो । यो सँगै नेपाल समुह ए को विजेतको रुपमा सेमिफाइनलमा प्रवेश गरेको छ ।
प्रतियोगितामा नारयण जोशी र मेखबहादुर सेन थापाले म्यानमारलाई झिनो स्कोरमा समेट्न ४–४ तथा विशाल विक्रम केसीले २ विकेट हात पार्न सफल भएका थिए । सोही बीचमा नेपालले निर्धारित ओभरमा ६ विकेट गुमाएर ३ सय ५० रनको विशाल योगफल तयार पार्न सफल भएको थियो ।
खेलमा सातौ विकेटका लागि गौतम र प्रतिश जिसीले १ सय १२ रनको कीर्तिमान बनाएका थिए । प्रतियोगितामा नेपालका तर्फबाट तृतराज दासले ६४, विशाल विक्रम केसीले ४२ र कुशल मल्लले ३६ रन जोड्न सफल भए ।
नेपालले अन्तर्राष्ट्रिय प्रतियोगितामा बनाएको यसलाई नै सबैभन्दा ठूलो स्कोर मानिएको छ ।
प्रतिक्रिया दिनुहोस