काठमाडौँ । पछिल्लो २४ घण्टामा थप १६८ जनामा कोरोना भाइरसको संक्रमण पुष्टि भएको छ। स्वास्थ्य मन्त्रालयका अनुसार १ हजार ८३४ पीसीआर परीक्षण गर्दा १२९ र १ हजार १८६ एन्टिजेन परीक्षण गर्दा ३९ जनामा संक्रमण पुष्टि भएको हो।
यससँगै देशभर सक्रिय संक्रमितको संख्या ७७० पुगेको स्वास्थ्य मन्त्रालयले जनाएको छ। यसअघि आइतबार १२१ जनामा संक्रमण पुष्टि भएको थियो भने शनिबार १०२ जना संक्रमित थपिएका थिए।
मन्त्रालयका अनुसार पछिल्लो २४ घण्टामा कोरोनाबाट कसैको पनि मृत्यु भएको छैन। हालसम्म कोरोनाबाट ११ हजार ९५२ जनाले ज्यान गुमाएका छन्। सोमबार ३७ जना कोरोना संक्रमणमुक्त भएको स्वास्थ्य मन्त्रालयले जनाएको छ।
प्रतिक्रिया दिनुहोस
सफल खबर संवाददाता
सोमबार, २७ असार २०७९, १६ : ५३
लेखकबाट थप