स्पेनद्वारा महिलालाई प्रत्येक महिनाको ३ दिन अतिरिक्त विदा दिने निर्णय

एजेन्सी । स्पेनका महिलाहरूलाई महिनावारीको समयमा हुने पीडाका लागि स्पेन सरकारले हरेक महिनामा ३ दिन अतिरिक्त विदा दिने निणर्य गरेको छ ।

पश्चिमका देशहरूमा महिनावारीको समयमा महिलालाई यसरी विदा दिने पहिलो देश स्पेन हो । महिनावारीको समयमा हुने पीडाको लागि दिइने विदाको सीमा ३ दिन तोकिएको छ । स्पेन सरकारले आगामी सातादेखि देखि यी सुधारहरू लागू गर्न लागेको छ । त्यस्तै स्पेन सरकारका मन्त्रीहरुले विद्यालयले पनि किशोरीहरूका लागि सेनेटरी प्याड उपलब्ध गराउन आवस्यक रहेको बताएका अन्तर्राष्ट्रिय संचार माध्यमले जनाउका छन् ।