धनुषामा गाडीको ठक्करबाट प्रहरीको मृत्यु

काठमाडौं । धनुषामा गाडीको ठक्करबाट प्रहरी कर्मचारीको मृत्यु भएको छ।

गए राति नम्बर नखुलेको गाडीको ठक्करबाट प्रहरी वरिष्ठ हवलदारको मृत्यु भएको इलाका प्रहरी कार्यालय ढल्केवरले जनाएको छ।मृत्यु हुनेमा इलाका प्रहरी कार्यालय, ढल्केवरमा कार्यरत ओखलढुंगाका ३७ वर्षीय भोजराज पराजुली रहेका छन्।

पूर्वपश्चिम लोकमार्ग अन्तर्गत धनुषाको ढल्केवरचोकमा ड्युटी सकाएर कार्यालयतर्फ जाँदै गरेका पराजुलीलाई गाडीले ठक्कर दिएको प्रहरी निरीक्षक रामसागर सिंहले जानकारी दिए।ठक्कर दिने गाडीको खोजी भइरहेको इलाका प्रहरी कार्यालय ढल्केवरले जनाएको छ।

पराजुलीको शव पोस्टमार्टमका लागि जनकपुरधामस्थित प्रादेशिक अस्पतालमा राखिएको तथा यस सम्बन्धमा थप अनुसन्धान भइरहेको प्रहरी निरीक्षक सिंहले बताए।