खोटाङमा आसिनापानीले बालीमा क्षति

काठमाडौं । खोटाङको ऐँसेलुखर्क गाउँपालिकामा असिनापानीले बालीमा क्षति पु¥याएको छ। बुधबार साँझ परेको असिनापानीले गाउँपालिकाका अधिकांश क्षेत्रमा बालीमा क्षति पुर्‍याएको हो।असिनाले मकैको पात कामै नलाग्ने गरी छिद्र बनाएको ऐँसेलुखर्क गाउँपालिका–६ ज्यामिरे नेपानेका शुरेस राईले बताए। उनका अनुसार हिजो साँझ परेको असिनापानीले मकैमा र भर्खर फूल खेल्दै गरेका र फल लाग्दै गरेका फलफूलमा क्षति पु¥याएको छ।

मकैसँगै लगाइएको आलु, फर्सी, सिमीलगायत तरकारीबालीमा पनि ठूलो क्षति पु¥याएको राईले बताए।ऐँसेलुखर्क गाउँपालिकासँगै रावाबेसी र केपिलासगढी गाउँपालिकाका माथिल्लो क्षेत्रमा पनि असिनाले मकै बाली र फलफूलमा क्षति पु¥याएको स्थानीयले बताएका छन्।