यस्तो छ ‘सम्झना बिर्सना’ को ट्रेलर

काठमाडौं ।पूजा शर्मा र आकाश श्रेष्ठ अभिनित फिल्म ‘सम्झना–बिर्सना’ को ट्रेलर सार्वजनिक गरिएको छ । बुढासुब्बा डिजिटलमार्फत दर्शकमाझ ल्याइएको तीन मिनेट लामो ट्रेलरमा कमेडी, लभ, रोमान्स, सेन्टिमेन्टस् तथा सस्पेन्सको समिश्रण देखिन्छ । निमेष प्रधान निर्देशित फिल्मलाई अद्वितीय प्रधान र देविका प्रधानले निर्माण गरेका हुन् । 

जेठ ६ गते प्रदर्शन हुने फिल्ममा पूजा र आकाशका साथमा सुनिल थापा, छुल्ठिम गुरुङ, शिशिर राणालगायतका कलाकारले अभिनय गरेका छन् । दार्जिलिङ, सिलिगुडी तथा सिक्किमका विभिन्न रमणीय स्थानमा खिचिएको फिल्मको कथा र पटकथा निर्देशक निमेषकै हो भने सम्वाद लेखनमा उनलाई शिशिर राणाले सघाएका छन् । 

आदित्य फिल्म्स्को प्रस्तुति रहेको ‘सम्झना बिर्सना’ शिव ढकालले खिचेका हुन् भने सम्पादन तारा थापा ‘किम्भे’ ले गरेका छन् । फिल्मका गीतमा राजन इशान, सुदर्शन तामाङ र निर्देशक निमेषकै संगीत छ । कमल राईको कोरियोग्राफी रहेको फिल्मलाई आरआर फिल्मस्ले वितरण गर्दैछ ।