आज सार्वजनिक बिदा

काठमाडौँ । माओवादी जनयुद्ध दिवसको अवसरमा मधेस प्रदेशमा सार्वजनिक बिदा दिइएको छ । माओवादीले आइतबार २७ औं जनयुद्ध दिवस मनाउँदैछ ।

तत्कालीन माओवादीले २०५२ फागुन १ गतेदेखि १० वर्ष लामो सशस्त्र जनयुद्ध गरेको थियो । ०६२–६३ को जनआन्दोलपछि माओवादी जनयुद्ध पनि समाप्त भएको थियो । 
यही जनयुद्ध दिवसको अवसरमा मधेस प्रदेशको आन्तरिक मामिला तथा सञ्चार मन्त्रालयले  एक सूचना जारी गर्दै बिदाको जानकारी दिएको हो ।

‘०७८ फागुन १ गते आइतबारका दिन २७ औं जनयुद्ध दिवसको अवसरमा मधेस प्रदेशभर बिदा दिइएको सम्बन्धित सबैमा सूचित गरिन्छ’, सूचनामा भनिएको छ ।